Биыл Алматы қаласында Ұлыстың ұлы күні — Әз-Наурыз «Жасанды интеллект жылы» аясында мүлде жаңа сипатта атап өтілуде. Мегаполистің басты алаңдары инновациялық технологиялар мен ұлттық дәстүр тоғысқан бірегей кеңістікке айналды.
Инновациялық шешімдер мерекенің визуалды безендірілуінен бастап, интерактивті аймақтарына дейін енгізілген.
Астана алаңында тігілген 6 тақырыптық киіз үйдің екеуі толығымен цифрлық технологияларға бағытталған:
-
Инновациялық хаб: Мұнда келушілерге дрондар, робототехника саласындағы соңғы жетістіктер, оқушылардың стартап-жобалары мен виртуалды шындық (VR) аймағы ұсынылды.
-
Digital 360 – Welcome to Almaty: Мультимедиялық киіз үйде панорамалық проекциялардың көмегімен Алматының бай тарихы мен даму кезеңдері цифрлық форматта көрсетілуде.
Панфилов көшесіндегі жаяу жүргіншілер аймағы биыл ерекше LED-безендірумен таңғалдырды.
-
175 шаршы метрлік LED-туннель: Туннель ішіндегі барлық визуалды контент жасанды интеллект (AI) алгоритмдерінің көмегімен әзірленген.
-
Грандиозды сахналар: Астана алаңындағы 1000 шаршы метрлік сахна мен Абай алаңындағы 360 градустық заманауи декорациялардың дизайны мен графикалық мазмұнына да жасанды интеллект тікелей атсалысқан.
Бұл жобалардың басты мақсаты — ұлттық мерекенің мазмұнын заманауи технологиялар арқылы байыту. Қала тұрғындары мен қонақтары дәстүрлі киіз үй ішінде болашақтың технологияларын тамашалап, Наурыз мейрамының жаңаша реңкін сезінуде.