2026 жылғы наурыз айындағы Ұлттық бірыңғай тестілеуге қатысу үшін құжат қабылдау науқаны ресми түрде аяқталды. ҚР Ғылым және жоғары білім министрлігінің мәліметінше, биыл 184 мыңға жуық адам бағын сынауға ниет білдірген. Бұл өткен жылғы көрсеткішпен салыстырғанда 20 мыңға көп.
Негізгі деректер:
- Мерзімі: Тестілеу 2 наурыз бен 6 сәуір аралығында ұйымдастырылады.
- Ерекшелігі: Әр талапкер емтихан күнін, уақытын және тапсыру орнын дербес таңдады.
- Көмекші құралдар: Электронды калькулятор мен Менделеев кестесі тест бағдарламасына интеграцияланған.
Биыл тест форматы мен бағалау жүйесінде өзгеріс жоқ: 120 сұрақ, ең жоғары көрсеткіш – 140 балл.
Сынақ форматы туралы қысқаша:
- Құрылымы: 3 міндетті + 2 бейіндік пән.
- Сұрақ саны: Жалпы 120 тапсырма (Тарих – 20, Сауаттылықтар – 10-нан, Бейіндік пәндер – 40-тан).
- Апелляция: Тест аяқталған соң небәрі 30 минут ішінде шағым түсіруге мүмкіндік бар. Сертификат комиссия шешімінен кейін жеке кабинетте жарияланады.
Еске сала кетейік, наурыз айындағы ҰБТ нәтижесімен ақылы бөлімге түсуге болады