Түркістан қаласындағы заманауи «Фараб» кітапханасында Көрісу күніне орайластырылған ауқымды мәдени-танымдық іс-шара ұйымдастырылды. Мұнда жиналған қауым «Көрісу күні — Амал мерекесі» атты танымдық кештің куәсі болды.
Басты мақсаты — халқымыздың бай мұрасын ұлықтау және қазақ халқының сан ғасырлық салт-дәстүрлерін өскелең ұрпақтың санасына сіңіру.
Мерекелік бағдарлама аясында ежелгі көрісу салтының мән-маңызы түсіндіріліп, рухани құндылықтарды дәріптейтін мазмұнды қойылымдар ұсынылды. Шараға қатысушылар ата-баба жолымен бір-біріне игі тілектерін арнап, қазаққа тән қонақжайлылық пен татулықтың жарқын үлгісін көрсетті. Ұйымдастырушылар мұндай бастамалар қоғамдағы дәстүр сабақтастығын нығайтуға септігін тигізетінін атап өтті.