Қазақстандықтар үшін 2025 жылғы көлік салығын өтеудің соңғы мерзімі аяқталып жатыр. Қаржы министрлігі Мемлекеттік кірістер комитеті азаматтарға төлемді 31 наурызға дейін жасау қажеттігін еске салады.
Төлем уақтылы жүргізілмеген жағдайда, 1 сәуірден бастап берешектің әр күні үшін өсімпұл есептеледі.
Салық мөлшері заңнамада бекітілген ставкалар бойынша айқындалады. Есептеу барысында өткен жылғы айлық есептік көрсеткіш (АЕК) негізге алынады, ол 3 932 теңгені құрайды.
Салықтан жалтарушыларға қатысты қатаң санкциялар қарастырылған:
-
1 сәуірден бастап күн сайын пайыздық үстеме қосылады.
-
Егер 10 мамырға дейін қарыз жабылмаса, іс сот орындаушыларына беріледі.
-
Борышкерлердің банктік шоттары бұғатталып, мүліктеріне тыйым салынуы мүмкін.
Көлік салығы бойынша есептелген сома туралы мәліметтер келесі сервистерде қолжетімді:
-
eGov.kz порталы мен мобильді қосымшасы;
-
Екінші деңгейлі банктердің (Kaspi, Halyk және т.б.) мобильді қосымшалары.
Мамандар соңғы күнді күтпей, төлемді алдын ала жасауға кеңес береді, себебі техникалық іркілістер немесе банк транзакцияларының кешігуі өсімпұлдың пайда болуына себеп болуы мүмкін.