2026 жылдың 1 қаңтарынан бастап елімізде ерекше қажеттіліктері бар балалар мен олардың күтушілеріне арналған мемлекеттік жәрдемақы мөлшері қайта есептелді.
Бұл жаңалықты Халықты әлеуметтік қорғау саласындағы реттеу және бақылау комитетінің Астана қаласы бойынша департамент басшысы Асқар Аймағанбетов елордалық коммуникациялар қызметінде өткен брифингте жариялады.
Жаңа мөлшерлемелер: Кімге қанша төленеді?
Департамент басшысының мәліметінше, төлемдер баланың жасы мен мүгедектік тобына қарай келесідей тағайындалды:
-
7 жасқа дейінгі балаларға: 81 871 теңге;
-
7 жастан 18 жасқа дейінгі І топтағы балаларға: 111 873 теңге;
-
7 жастан 18 жасқа дейінгі ІІ топтағы балаларға: 93 058 теңге;
-
7 жастан 18 жасқа дейінгі ІІІ топтағы балаларға: 81 871 теңге.
Сонымен қатар, баланы бағып отырған ата-анаға (немесе қамқоршыға) берілетін ай сайынғы жәрдемақы мөлшері 81 871 теңгені құрады.
Отбасылық бюджет: Жиынтық төлем көлемі
Ата-ана мен балаға берілетін жәрдемақыларды қосқанда, отбасылар ай сайын келесі көлемде қолдау алады:
-
7 жасқа дейінгі баласы бар отбасылар: жалпы 163 742 теңге (балаға 81 871 + күтушіге 81 871);
-
І топтағы (7–18 жас) баласы бар отбасылар: 193 742 теңге;
-
ІІ топтағы (7–18 жас) баласы бар отбасылар: 174 929 теңге.
«Бұл қадамдар ерекше балаларды тәрбиелеп отырған ата-аналарға материалдық демеу болып, отбасылардың әлеуметтік әл-ауқатын арттыруды көздейді», — деді Асқар Аймағанбетов.