Исламабад қаласында өткен салтанатты рәсімде Қазақстан Республикасының Президенті Қасым-Жомарт Тоқаев Пәкістан Ислам Республикасының ең жоғары мемлекеттік наградасы – Nishan-e-Pakistan орденін иеленді.
Мемлекет басшысына жоғары марапатты Пәкістан Президенті Асиф Али Зардари мен Премьер-министрі Шахбаз Шариф табыстады.
Nishan-e-Pakistan ордені Пәкістанның дамуына айрықша үлес қосқан азаматтарға, сондай-ақ шет мемлекеттердің саяси және қоғамдық қайраткерлеріне беріледі.
Салтанатты іс-шараға Пәкістан Үкіметінің мүшелері, Парламент депутаттары, Қарулы күштердің жоғары басшылық өкілдері мен дипломатиялық корпус қатысты.